العمر : 29عدد المساهمات : 313تاريخ التسجيل : 26/07/2009الموقع : مدير المنتدى
موضوع: ابدا بنفسك الأحد أغسطس 02, 2009 7:51 am
هو ده الشعب المصرى جمله باسمعها فىكل مكان :فى الشارع فى المواصلات فى التلفزيون ده على اساس ان اللى بيقول الجمله دى من موزمبيقvery angry
حاجه تضايق والله لما كل واحد يحاول انه يبين نفسه انه معصوم من الغلط وان الشعب المصرى شعب تعبان طب ليه ما نساعدش نفسنا ونساعد بلدنا انها تبقى افضل اقرب مثال : كذا مره وانا ماشيه فى الشارع اشوف واحد فى ايده ورقه او علبة كانز او اى حاجه تانيه اقرب حاجه ليه انه بيرميها عل الارض والله انا باضايق من المنظر ده حتى لو ورقه صغيره افضل مسكاها لحد اقرب سله قمامه وارميها فيها ليه؟ لانى بجد والله بحب مصر ومش كلام شعارات وبس لكن بجد نفسى اشوفها احسن بلد فى الدنيا وبايدنا ممكن نخليها كده بس نبطل الكلام اللى ما لوش لازمه (ان البلد حالها واقف) طب مين اللى موقفها؟ انا وانت وانتى ابدا بنفسك وغير من نفسك وانجح فى شغلك وفى دراستك وحياتك اكيد طبعا الحكومه مش مساعدنا بس صدقونى اللى عايز يحقق ذاته وعنده اصرار على النجاح فى حياته حيرفع من قيمة نفسه واكيد كمان قيمة بلده
حتى فى الدين البدء بتغيير النفس مطلوب: (حاسبوا انفسكم قبل ان تحاسبوا) خليك لنفسك بالمرصاد وغير فى نفسك اى صفه ذميمه وجاهد نفسك على المعاصى وانشغل بعيوب نفسك قبل ما تنشغل بعيوب الاخرين لان دى طبيعة النفس البشريه عمر ما حد بيشوف نفسه غلطان الانادرا اعرف نفسك الاول وصلح عيوبها وبعدين احكم على اخطاء الاخرين
ابدا بنفسك وسط صحابك لو شايف اصحابك ضايعين ابدا بنفسك والحق نفسك قبل ما يضيعوك معاهم واختار حل من اتنين:
يا تاخد بايدهم للخير يا ياخدو هم بايدك للضياع شوف الطريق الا نسب ليك
ابدا بنفسك مع ربك واوعى تقول يعنى هى جت عليا انا ما كل الناس بتعمل كده حصلهم ايه يعنى يعنى كل الناس غلط وانا اللى حاطلع صح والله انا سمعت الكلام ده من بنات صحباتى كتير ليه بتقارن نفسك بالتانيين خليك الافضل عند ربنا اوعى تكون حد عادى
بجد انا نفسى اشوفكم واشوف نفسى وكل المسلمين احسن ناس فى الدنيا (نحن قوما اعزنا الله بالاسلام)
موضوع: ابدا بنفسك 
الأحد أغسطس 02, 2009 7:51 am
